
遍知贝玛嘎波大师教言集PK185གདན་བཞི་ཡུམ་བཀའི་ཆོ་ག་བཞུགསོ།།
17-401
༄༅། །གདན་བཞི་ཡུམ་བཀའི་ཆོ་ག་བཞུགསོ།།
༄༅། །གདན་བཞི་ཡུམ་བཀའི་ཆོ་ག་བཞུགསོ། ། ༄། །མཚན་དཔེ་མུ་ཏིག་འཁྲི་ཤིང་ཡིད་དགའ་བ། །
དེ་དེའི་རྗེས་འགྲོའི་ཡལ་གས་འདོད་པའི་དངོས། །གཞན་ཕན་རྡུལ་སེར་འཐོར་བའི་མེ་ཏོག་ཆར། །རྣལ་འབྱོར་ནམཁའི་ཕང་ནས་འགྱེད་ལ་འདུད། །ལུང་རིགས་དྲོད་གཤེར་གཉིས་སྐྱེས་རྟག་པར་ཡང་། །གསང་ཚིག་བསུང་ཞིམ་གླུ་
ལེན་མི་ངལ་བ། །དེ་ཅི་ཐུབ་པའི་རིང་ལུགས་ནགས་ནང་འདིར། །པད་དཀར་བཤད་ཁུངས་གེ་སར་ཐོར་ཚུགས་ཅན། །འདིར་ཡེ་ཤེས་མཁའ་འགྲོ་མ་འམ་ཡེ་ཤེས་དབང་ཕྱུག་མ་བསྒོམ་པར་འདོད་པས། ལག་པ་
སྦྱང་བ་ནས་མངོན་བྱང་བཞི་པའི་བར་རྣལ་འབྱོར་ནམཁའ་བཞིན། ཟླ་བ་རྡོ་རྗེ་ས་བོན་དང་བཅས་པ་ཡོངས་སུ་གྱུར་པ་ལས། བདག་ཉིད་ཡེ་ཤེས་དབང་ཕྱུག་མ་སྐུ་མདོག་སྔོན་མོ་ནས་སངས་རྒྱས་
ལྔས་བརྒྱན་པ། ཕྱག་དྲུག་གི་གཡས་པ་གསུམ་ན་སྟེང་དུ་བསྟན་པའི་ཁ་ཊྲཱ་ག་དང་དགྲ་སྟ་རྡོ་རྗེ། གཡོན་པ་གསུམ་ན་དྲིལ་བུ་དང་། ཁྲག་གིས་གང་བའི་ཐོད་པ་དང་། རལ་གྲི་བསྣམས་པ།
རྒྱན་ཐམས་ཅད་ཀྱིས་བརྒྱན་པ། ན་བཟའ་དམར་པོ་འོད་ཟེར་འབར་བའི་འཕྲེང་བ་ཅན་སེམས་དཔའི་སྐྱིལ་མོ་ཀྲུང་གིས་བཞུགས་ཤིང་རང་བཞིན་གྱི་རྡོ་རྗེ་སེམས་དཔའ་ལ་འཁྱུད་པ། ཨོཾ་ཨུ་དྦྷ་བ་སོགས་དང་། 
17-402
ཨོཾ་ཡོ་གི་ནཱི་ཤུད་དྷཱཿསརྦ་དྷརྨཱ་ཡོ་ག་ཤུད་དྷོ྅ཧཾ། རྡོ་རྗེ་གསོར་ལ། ཨོཾ་ཛྙཱ་ན་ནས། གྲྭ་དང་མཚམས་སུ་ཟླ་བ་རྡོ་རྗེས་མཚན་པ། ལྟེ་བར་པདྨ་འདབ་མ་བརྒྱད་ཀྱི་དབུས་སུ་ཟླ་བའི་
དཀྱིལ་འཁོར་ལ་སེང་གེའི་གདན་ལྔ་། སྟེང་དུ་སྣ་ཚོགས་པདྨ་དང་ཉི་མ། དབང་ལྡན་དུ་གླང་པོ་ཆེ། མེར་རིན་པོ་ཆེ་བདན་གྱི་ཕུང་པོ། སྲིན་པོར་མ་ཧེ། རླུང་དུ་ཀླུ་བརྒྱད་ཀྱི་མཇུག་མ་
བསྡུས་པ། སྒོར་སྣ་ཚོགས་པདྨ་ལ་རོའི་སྙིང་གར་ཉི་མ། བདག་ཉིད་ཧཱུྃ་ཡིག་གྱུར་པ་ནས། རྡོ་རྗེ་ས་བོན་དང་བཅས་པ་ཡོངསུ་གྱུར་པ་ལས་ཡེ་ཤེས་དབང་ཕྱུག་མ་ནས། རང་གི་སྙིང་གར་
ཟླ་བའི་དཀྱིལ་འཁོར་ལ་དབུས་སུ་བཅོམ་ལྡན་འདས་ཡེ་ཤེས་དབང་ཕྱུག་མ། ཤར་དུ་རྡོ་རྗེ་མཁའ་འགྲོ་མ་དཀར་མོ། བྱང་དུ་དྲག་མོའི་མཁའ་འགྲོ་མ་སེར་མོ། ནུབ་ཏུ་རོ་ལངས་མཁའ་འགྲོ་མ་
དམར་མོ། ལྷོར་གཏུམ་མོའྀ་མཁའ་འགྲོ་མ་སྔོན་མོ། བཞི་ཀ་ཞལ་གཅིག་སྒེག་པའི་ཉམས་དང་ལྡན་པ། ཕྱུག་གཡས་སྟེང་དུ་བསྒྲེང་བའི་ཁ་ཊྭཱཾ་ག་དང་། གཡོན་ཁྲག་གིས་གང་བའི་ཐོད་པ་འཛིན་པ། དབང་
ལྡན་དུ་སེང་གེ་མ་གཡས་སེར་གཡོན་དཀར་བ། མེར་སྟག་མོ་གཡས་དཀར་གཡོན་ནག །སྲིན་པོར་ཅེ་སྤྱང་མ་གཡས་དམར་གཡོན་ནག་པ། རླུང་དུ་འུག་པ་མ་གཡས་དམར་གཡོན་སེར་བ། གཡས་རྡོ་རྗེ་དང་ལྕགས་ཀྱུ། 
17-403
གཡོན་སྡིགས་མཛུབ་དང་ཞགས་པ། ཤར་སྒོར་མཁའགྲོ་མ་དཀར་མོ་ཕྱག་གཉིས་ཁར་བཅུག་པ། བྱང་དུ་འབར་བྱེད་མ་སེར་མོ་མར་མེ་ལྟ་བུའི་ཐལ་མོ་སྦྱར་བ་སྤྱི་བོར་འཛིན་པ། ནུབ་ཏུ་འཇིབ་བྱེད་
མ་དམར་མོ་སྙིམ་པ་ཁའི་ཐད་དུ་བཅས་ཏེ་ཁྲག་གི་རྒྱུན་འཐུང་བ། ལྷོར་སྐམ་བུ་ཛི་ནག་མོ་སྐུད་པ་དམར་པོ་དང་ལྷན་ཅིག་གཏུན་ཤིང་འཛིན་པ། ཐམས་ཅད་ཀྱང་སྤྱན་གསུམ་པ་ལྷའི་གོས་
དམར་པོ་མནབས་པ། དབུ་ལ་ཐོད་པའི་ཕྲེང་བ་དང་བཅས་པའི་ཕྱག་རྒྱ་ལྔ་དང་ལྡན་པ་སེམས་པའི་སྐྱིལ་ཀྲུང་གིས་བཞུགས་པ། ཀླུའི་རྒྱལ་པོ་བརྒྱད་ཀྱི་རྣམ་པར་བརྒྱན་པ། བསྐལ་པའི་མཐའི་མེ་འབར་
བའི་འོད་ལྟ་བུས་འོད་ཟེར་གྱི་ཚོགས་ཀྱིས་འཇིགས་པར་བྱེད་པ། དེ་ནས་ཧཱུྃ་ཞེས་པ་ཟླ་ཉིའི་དབུགས་ལས་ཡེ་ཤེས་མཁའ་འགྲོ་མ་ཕྱུང་བས་དཔག་ཏུ་མེད་པར་གྱུར། སེམས་ཅན་གྱི་དོན་བྱས་ཚུར་
འདུས་གཅིག་ཏུ་གྱུར་བ་དབུས་སུ་བདག་ཉིད་ལ་ཐིམ། སུཾ་ཆུའི་དབུགས་ལས་རྡོ་རྗེ་མཁའ་འགྲོ་མ། ཀྵུཾ་མེའི་དབུགས་ལས་དྲག་མོ། ཡུཾ་སའི་དབུགས་ལས་རོ་ལངས་མ། ཧཱུྃ་རླུང་གི་དབུགས་ལས་གཏུམ་མོ་
རྣམས་ཕྱུང་། སེམས་ཅན་གྱི་དོན་བྱས་ནས་ཡེ་ཤེས་དབང་ཕྱུག་མའི་མདུན་གཡོན་རྒྱབ་གཡས་སུ་འཁོད། སྨརྻུཾ་ཆུ་མེའི་དབུགས་ལས་སེང་གེ་མ། ཧྨརྻུཾ་ས་ཆུའི་དབུགས་ལས་དྲག་མོ། ཡྨརྻུཾ་ས་རླུང་གི་དབུགས་ལས་ཅེ་སྤྱང་མ། 
17-404
ཀྵྨརྻུཾ་རླུང་མེའི་དབུགས་ལས་འུག་པ་མ་རྣམས་དབང་ལྡན་ནས་གཡས་བསྐོར་བའི་མཚམས་སུ། ཡུཾ་རླུང་གི་དབུགས་ལས་རྡོ་རྗེ་མཁའགྲོ་མ། ཕེཾ་མེའི་དབུགས་ལས་མར་མེ་མ། ཕོཾ་རླུང་གི་དབུགས་ལས་འཇིབ་བྱེད་
མ། ཕིཾ་སའི་དབུགས་ལས་སྐམ་བུ་ཛི་རྣམས་ཤར་དང་། བྱང་དང་། ནུབ་དང་། ལྷོའི་སྒོར་འཁོད། དེ་ནས་འཇིག་རྟེན་ལས་འདས་པའི་ལྷ་སྤྱན་དྲངས་པའི་སྔགས་རྒྱ། སྔགས་བགེགས་བསྐྲད་གོ་བཅིངས་པ་རྣམས་བྱས་ཏེ།
ལག་པ་གཉིས་ཁུ་ཚུར་བཅངས་གཡོན་པ་སྙིང་གར་བཞག་གཡས་པ་གཡོན་པའི་མཆན་ཁུང་དུ་བཅུག་སྟེ། ཨོཾ་ཧཱུྃ་ཞེས་བརྗོད་ལ་སྤྱིར་དམ་ཚིག་ལ་བཞག་པར་བྱའོ། ། དེ་ནས་རྡོ་རྗེ་བསྡམས་པ་བྱས་ལ་
གུང་མོ་གཉིས་བརྐྱང་ནས། ཨོཾ་ཧཱུྃ་སྭཱཧཱ། ཞེས་བརྗོད་པ་ནི་ཡེ་ཤེས་མཁའ་འགྲོའི་སྔགས་དང་ཕྱག་རྒྱའོ། །དེ་ཉིད་ལས་གུང་མོ་དང་མཐེ་བོང་སྦྱར་ཏེ། ཨོཾ་ཨ་སྭཱཧཱ། ཞེས་པ་ནི་རྡོ་རྗེ་མཁའ་འགྲོ་
མའིའོ། །རྡོ་རྗེ་བསྡམས་པ་དེ་ཉིད་ལས་མཐེ་བོང་བསྒྲེང་ནས། ཨོཾ་ཨཱཿསྭཱཧཱ། ཞེས་བརྗོད་པ་ནི་དྲག་མོ་མཁའགྲོའིའོ། །མཐེ་བོང་བསྒྲེང་བ་དེ་ཉིད་ལས་མཐེ་ཆུང་ཡང་བསྒྲེང་སྟེ། ཨོཾ་ཨཾ་སྭཱཧཱ། ཞེས་བརྗོད་པ་ནི་
རོ་ལངས་མའིའོ། །ཕྱག་རྒྱ་དེ་ཉིད་ལས་གུང་མོ་ཡང་བསྒྲེང་ནས། ཨོཾ་ཨེ་སྭཱཧཱ། ཞེས་བརྗོད་པ་ནི་གཏུམ་མོའིའོ། །ལག་པ་ཁུ་ཚུར་བཅིངས་ཏེ་མཐེ་བོང་བསྒྲེང་ནས་རྩེ་སྤྲད་ལ། ཨོཾ་རྀ་སྭཱཧཱ། ཞེས་བརྗོད་ལ་དབང་ལྡན་དུ་སེང་གེ་མ་ལ་བསྟན་ནོ། །
17-405
ཕྱག་རྒྱ་དེ་ཉིད་དང་། ཨོཾ་རཱྀ་སྭཱཧཱ། ཞེས་པ་ནི་ཤར་ལྷོར་སྟག་མོའིའོ། །ཕྱག་རྒྱ་དེ་ཉིད་དང་། ཨོཾ་ལི་སྭཱཧཱ། ཞེས་པ་ནི་ལྷོ་ནུབ་ཏུ་ཅེ་སྤྱང་མའིའོ། །ཕྱག་རྒྱ་དེ་ཉིད་དང་། ཨོཾ་ལཱྀ་སྭཱཧཱ།
ཞེས་པ་ནི་ནུབ་བྱང་དུ་འུག་མོ་ལ་བསྟན་ནོ། །མཐེ་བོང་གཉིས་ཁར་བཅུག་ལ་ཧ་ཧ་ཞེས་བགད་ལ། ཨོཾ་ཕུཾ་སྭཱཧཱ། ཞེས་བརྗོད་པ་ནི་ཤར་སྒོར་རྒྱལ་དབང་མ་ལ་བསྟན་ནོ། །སྤྱི་བོར་ཐལ་
མོ་སྦྱར་ཏེ་སོར་མོ་བསྣོལ་ལ། ཨོཾ་ཕེཾ་སྭཱ་ཧཱ། ཞེས་པ་ནི་བྱང་སྒོར་འབར་བྱེད་མའིའོ། །ལག་པ་གཉིས་ཁ་ཕྱེ་སྟེ་མཛུབ་མོ་གཉིས་གུང་མོའི་ཚིགས་དང་པོར་བཀུག་སྟེ་མཐེ་བོང་གཉིས་བསྣོལ་ལ།
ཨོཾ་ཕྲོཾ་སྭཱཧཱ། ཞེས་པ་ནི་ནུབ་སྒོར་འཇིབ་བྱེད་མའིའོ། །ལག་པ་གཉིས་པདྨ་བསྐོར་ཞིང་སོར་མོ། བརྒྲད་ལ་གསང་བའི་གནས་སུ་བཞག་སྟེ། ཨོཾ་ཕྲིཾ་སྭཱ་ཧཱ། ཞེས་བརྗོད་པ་ནི་ལྷོ་སྒོར་འཕྲོག་བྱེད་མའིའོ། །
དེ་ལྟར་དམ་རྒྱ་བསྟན་པས་རང་རང་གི་གཟུགས་རྣམས་ལ་ཡེ་ཤེས་སེམས་དཔའ་ཞུགས་ནས་གཉིས་སུ་མེད་པར་བསམ་མོ། །མཆོད་པ་ནས། བསྟོད་པའི་ཤློ་ཀ་དང་པོ། །ལྷག་མ་གསུམ་བཞག་པ་ཙམ་ལས་
ཉེར་བསྡུའི་བར་དང་། དབང་བསྐུར་བའི་ཆོ་ག་ཡང་ཅུང་ཟད་འདོན་པ་བསྒྱུར་བ་ལས་ཡབ་བཀའ་དང་ཁྱད་པར་གཞན་མེད་དོ། །ཉེར་བསྡུའི་ཚེ་རང་གི་དབུགས་ཀྱིས་ཡེ་ཤེས་མཁའ་འགྲོ་མ་དང་རྡོ་རྗེ་མཁའ་འགྲོ་མ་སོགས་སྙིང་ག་དང་། 
17-406
སེང་གེ་མ་སོགས་ལྟེ་བར། སྒོ་མ་བཞི་གཡས་གཡོན་གྱི་རྐང་པའི་བརླ་དང་རྗེ་ངར་ལ་ཡི་གེའི་གཟུགས་སུ་བ་དན་གསུམ་གྱི་ཕྱག་རྒྱས་འགོད། དེ་ལྟར་ཡེ་ཤེས་དབང་ཕྱུག་མའི་ཆོ་ག །པདྨ་
དཀར་པོས་རྩེ་ཆེན་དུ་སྦྱར་བ་ཐམས་ཅད་བཅོམ་ལྡན་འདས་མ་དགྱེས་པའི་དགའ་བ་ལ་རེག་པར་གྱུར་ཅིག། །། གདན་བཞིའི་ཡབ་བཀའི་དབང་བརྒྱུད། རྡོ་རྗེ་འཆང་། ཀླུ་སྒྲུབ། ཨཱརྱ་དེ་ཝ། ཏིལླི། ནཱ་རོ། དགེ་
བའི་གོ་ཆ། སྡེའི་གོ་ཆ། རྣམ་རྒྱལ་དབང་པོའི་སྡེ། ཐང་ཆུང་བ། མར་རྔོག་གཉིས། མདོ་སྡེ། ཀུན་དགའ། གཟི་བརྗིད། ཆོས་རྒྱལ་བ། དོན་གྲུབ་དཔལ། བྱང་ཆུབ་དཔལ། རྒྱལ་དབང་རྗེ། ཨ་བ་དྷུ་ཏཱི་པ་
རིན་ཆེན་རྣམ་རྒྱལ། ཆོས་ཀྱི་གྲགས་པ། ཚེ་བདག་བཀྲ་ཤིག །དེས་བདག་ལའོ། །རྒྱུད་མན་ངག་འགྲེལ་པ་དང་བཅས་པ། རྒྱལ་དབང་རྗེ། ངག་དབང་རྗེེ། དེས་བདག་གོ །ཡུམ་བཀའི་དབང་བརྒྱུད། རྡོ་རྗེ་འཆང་། ཀླུ་
སྒྲུབ། ཨཱརྱ་དེ་བ། ཏིལླི། ནཱ་རོ། མར་རྔོག།།མདོ་སྡེ། རྒྱལ་ཚ་ར་མོ། རྔོ་ཚ་ཆོས་སྐུ། རྔོ་ཚ་དཀོན་མཆོག་དཔལ། དྲན་སྟོན་མཐའ་བྲལ། དྲན་སྟོན་ཤེས་རབ། མན་ལུང་གུ་རུ། འཛམ་གླིངསང་རིན། རིམས་
ཚུལ། བྱང་ཆུབ་དཔལ། རྒྱལ་དབང་རྗེ། ཨ་བ་དྷཱུ་ཏཱི་པ། ཆོས་ཀྱི་གྲགས་པ། ཚེ་བདག་པ་ཆེན་པོ། །དེས་བདག་གོ། །།སརྦ་མངྒ་ལཾ༎


